Timo Rhyner
co-meinagestiun Fundaziun Greina
«Il Plaun la Greina cunfinant è in simbol svizzer per mantegnair las auas currentas alpinas. Questa via pudess ins ir er per quest flum natiral il pli lung dal Grischun. Viva il Glogn!»
Tes messadi per il mantegniment dals flums ed auals grischuns
Parta tes messadi persunal e gida uschia a dar ina vusch als auals e flums grischuns.
Anita Mazzetta
co-manadra WWF Grischun
«La sitgira dalla stad da calira 2026 muossa a moda impressiunonta: nus stuein haver quittau da nossas auas per che nus veien er en l’avegnir avunda aua per aua da beiber, per praus e cultiras e pils pèschs.»
Helen Riedi
presidenta Protecziun d'utschals Surselva
«Per mei ein nossas auas in liug da recreaziun, per la natira cun sias plontas e creatiras fascinontas la basa da viver. Quellas stuein nus proteger! L’intervenziun irreversibla stat en negina relaziun cun il gudogn d’energia. Ei va mo per profit!»
David Gartmann
president Uniun da pescadurs Glion e contuorn
«Schei en ruaus il Glogn! Dapi mia affonza ei il Glogn per mei ina part particulara da nossa patria. El ei spazi da viver per numerusas creatiras, surtut per ils pèschs. Schei naven la detta da quei spazi natural prezius. Il Glogn dovra nossa protecz»
Thomas Rogenmoser
canutist
«Il Glogn ei unics. 1000 meters d’altezia aua selvadia transibla senza interrupziun. Zatgei aschia anflan ins oz negliu pli ell’Europa, la forza hidraulica ei dapertut. Jeu hai gia fatg gl’entir tschancun cun il canu, da l’acla Vanescha fin a Glion.»
Gabriele Aebli
Manadra Perlas d’aua
«Ils ultims flums selvadis dal Grischun èn vairs tresors per la natira e porschan spazis vitals multifars che nus stuain mantegnair era per noss agen avegnir.»
Peter Schleier
protectur da la natira / scrinari / bostger
«Quei project periclitescha pliras ognas per part d’impurtonza naziunala! La Ruinaulta, ina cuntrada da muntada naziunala, piress aunc dapli per munconza d’aua e pil scarun periclitau fuss il viadi dil Lag Bodan el Rein anteriur aunc pli difficils.»
Yvonne Michel Conrad
architectura/art
«Selvadi. Nunschenà . L’aua sco metafra per la vita.»
Levi Fitze
fotograf da natira e cineast
«Crescher si en Val Lumnezia ha dau a mi il sentiment da scuvierer la vera natira selvadia. Il Glogn e ses cuors d’aua naturals han contribuiu a quei sentiment. Jeu giavischel che era las proximas generaziuns possien viver quella vera natira selvadia»
Filip Nay
apotecher a Glion
«En las valladas dil Grischun ramuran uals selvadis, libers e sereins sco siemis svani. Nua ch’il Glogn fuola sia via tras il silenzi crappus, batta il cor da las muntognas, pulsescha vivamain la natira. In bindel»
Monika Theis
economa da menaschi
«Il Glogn ein in toc olma selvadia – libra, vigurusa e plein veta. Possi si’aua era aunc damaun cuorer senza impediments tras cavorgias, uauls ed ogna e purtar cun ella la veta ch’ei ligiada vid ella. Mantenin quella bellezia selvadia.»
Rick Ampler
cussegliader da prevenziun
«Pli baul mavel mez a pesca cun miu bab – biaras bialas regurdientschas ch’ein restadas tochen oz. A tuttas pescaduras ed a tuts pescadurs giavischel in bi temps sper l’aua, ina buna pesca ed oravant tut Petri Heil!»